HESHT!

Hesht…

Kur  je i tejngopur,

me mërzi e zemërim.

Hesht…

Megjithëse të zbrazesh,

shpesh duket më mirë.

Hesht…

Kur je gati të shpërthesh,

të godasësh pamëshirë.

Hesht…

Duke u sforcuar për buzëqeshje,

teksa kryqëzon krahët e mpirë.

Hesht…

Plotësisht i vetëdijshëm,

që s’është inferioritet, as dorëzim.

Hesht…

Hesht për t’u qetësuar

dhe menduar më mirë.

Hesht…

Cikli “T’i rezistosh stresit”

Elda Gjini

2018