Ti s'je veç trup e dashur!
Ke njëkohësisht trup e shpirt.
Megjithëse shpirti yt si oksigjeni,
Shtgëtoi në çdo qelizë të tij.
Për vdekje mos u brengos e dashur!
A e di që kurrë s'vdes një shpirt?!
Dhe pse të thithi krejt në një frymëmarrje,
Në një frymënxjerrje dole prej tij.
Shkundi lotët prej qerpikëve e dashur!
Ai ka humbur, veç ai, jo ti...
Ka humbur oksigjenin e çdo qelize,
Prej një shfrytëzuesi u çlirove ti.
Është koha të kthesh fletën e dashur!
Në s'mjafton ta kthesh, grise pra ti!
Shpirtin mos lër peng të kujtimeve,
Askush, askush s'vlen më shumë se ty!
Elda Gjini
2018
No comments:
Post a Comment